有時與朋友聚會想食 tea，又或者買散水餅，都想挑選精緻可以打卡，又有不同款式的甜品，而人氣甜品店 Pâtisserie Jane 的手工撻及曲奇可以禮盒裝入手，一盒就有多款不同口味，適合大班人 分享，CP 值高！
「精緻手工撻系列」有標準及迷你兩個 size（標準 HK$360/盒；迷你 HK$240/盒），而禮盒裝就有齊 12 款不同口味，當中包括新口味「紫薯焙茶麻糬撻」，於撻底加入由靜崗焙茶製成的慕斯，配上紫薯蓉、麻糬、白朱古力，甜而不膩。
另一新口味「抹茶黑豆撻」用上北海道黑豆製作的黑豆慕斯，豆味濃郁，清香甘甜，加上抹茶鏡面朱古力、黑朱古力、牛油曲奇撻底，帶來多重口感。此外亦有鐵觀音麻糬朱古力、烏龍柚子、檸檬蛋白霜、提拉米蘇、雙重朱古力等味道。
「經典紐約曲奇系列」的禮盒裝每盒有 6 款口味，有「流心」（HK$180/盒）及「軟心」（HK$150/盒）曲奇可以選擇，「流心」有 S’more 棉花糖、榛子朱古力、花生焦糖、紅絲絨忌廉芝士等口味，而「軟心」則包括雲石抹茶紅莓、Oreo 藍莓、焙茶杏仁提子乾、海鹽朱古力等，充滿驚喜。
