人氣泰國甜品店終於喺香港推出 Baby Kakigori，唔少粉絲喺泰國都鍾意叫一份 bb size 嘅刨冰。香港店開業剛過一週年，終於推出此 Baby 系列 ($74-$92)，分量較細小絕對適合食量少嘅女生，如果一班朋友去更可以多叫幾款口味。雖然分量變細咗，但依然十分足料，每個刨冰內都有齊各式餡料，滿足感不減！
After You 同時推出全新嘅班戟系列 ($78-$88)班戟粉漿以自家班戟粉調製，有獨特香甜味。整個系列有原味、朱古力士多啤梨味、朱古力榛子味、芒果味，而香蕉味嘅班戟更加入新鮮香蕉肉，有天然嘅甜度而口感與別不同。
新餐牌亦新增追加配料嘅選擇，備有各款雪糕、水果、自家製醬汁，客人可以點選原味嘅吐司、班戟或牛角窩夫，再自選配料組合成個人化嘅口味。好似原味班戟，配上芒果粒、芒果雪糕、芒果醬，再加一杯芒果沙冰，完全係充滿泰式風情嘅組合。
地址：銅鑼灣登龍街 52 號
營業時間：星期日至四 12pm 至 10:30pm，星期五、六及公眾假期前夕 12pm 至 11pm
