週末不如計劃一個離島郊遊，坪洲雖小但可以逛嘅地點也不少，Café、甜品、老餅店、活化後嘅牛皮廠，隨意走過小街旁嘅房子也可成為打卡背景！就在碼頭旁邊一棟 L 形粉紅色住宅大廈，有藍天背景及水中倒影配合，在此拍攝打卡也可成為搶眼嘅 IG 打卡相！
這數年間坪洲也開了可歎咖啡食甜品嘅 café，除咗我哋曾介紹過嘅 Island Table，仲有整棟黃色屋嘅 The Edible Projects，屋前嘅戶外座位像個小花園，路過歎一杯咖啡也寫意！
作為甜品控就要試茶屋達磨，去年搬過新舖後地方空間更多，店內外嘅榻榻米是日式小店嘅格局，其出品嘅盒仔 Tiramisu 最受客人歡迎。除咗甜品仲有多款日式小食、鹹食、烏冬、芝士年糕、親子丼、串燒等，在此可以享用正餐先再去逛街掃小吃。
另一必定到訪嘅係一家叫「麵飽舖」嘅餅店，其出品嘅正宗南乳芝麻餅，大大片佈滿芝麻，超薄身口感香脆，有南乳鹹香不過太膩。想買嘅話最好一早去，試過一出爐就被客人大量掃貨，想買都要看運氣。
活化後嘅三級古蹟牛皮廠，被稱為坪洲秘密花園，擴闊嘅位置像一個藝術村。四周很多各形各式嘅藝術裝置，也有售賣生活雜貨嘅小屋小店，襯天氣好要出走逛逛喇。
