最近喺網絡紅起來嘅梅窩麻糬王，繼北角店大排長龍後再喺中環開設新店 Silver Mine Bake，地點越嚟越方便之餘，新店嘅綠色主調及白色摺窗門面裝潢，吸引到好多人去打卡！
梅窩麻糬嘅本店其實真係位於梅窩，由碼頭落船轉向右走一分鐘，就會見到一排路邊小檔，而梅窩麻糬則以木頭車仔展現出一袋袋麻糬，別有一番風味，究竟本店與新店嘅出品有冇唔同呢？
款式上梅窩本店主要有原味、肉鬆及朱古力，而中環店則有獨家嘅抹茶味，不過留意返，由於抹茶味嘅紅豆內餡煮製需時，只此暫時每日只於早上 11 時至 11時半左右出爐一次，數量約有 60 個，半小時內已即售罄。
味道上本店與分店嘅食譜及製法是一樣的，外層脆皮而內裏軟糯煙韌，但兩家店各自進行烘焙過程。梅窩本店並沒有即場焗製嘅設備，只出售已包裝好嘅麻糬波波，而中環店前舖後工場，每日有數個時段新鮮出爐，可以食到暖笠笠嘅麻糬，口感更加軟熟，因此比本店嘅味道更出色！
中環店另一個優勢之處，係可以混合兩種口味，肉鬆及朱古力味也很受歡迎，尤其依然帶微溫嘅朱古力味，內裏有半溶化口感。
價錢方面本店與中環店同價，原味 $25/6個，其他口味 $35/6 個，由離島去到中環都沒有加價，算係十分難得！
地址：中環永和街 31 號地下、梅窩碼頭
