去年底先開業嘅灣仔居酒屋餐廳Ozakaya，最近就推出周末brunch，紅日都有供應，$498包三小時內任點日式小食，加一款主菜及甜品，仲可以$190加配四小時任飲，包括指定清酒、氣泡酒、紅白酒、汽水及鮮橙汁，啱晒飲得之人過一個微醺下午！
任點日式小食一共有12款，包括刺身、天婦羅壽司蝦卷、辣蔥三文魚卷、和牛他他等，推介唐揚炸雞 炸得香脆多汁，全部小食都係即點即做，新鮮熱辣！
自選主菜有走地雞阿波美地雞、北海道白金豚、油甘魚鮫等，鍾意食牛嘅可以加$200升級和牛西冷，和肉軟嫩多汁，脂香濃郁。
比較特別有龍蝦天婦羅，就另加$160，至於甜品都係任點，有季節水果、北海道奶脆牛奶雪糕，同埋抹茶朱古力流心蛋糕。
地址：灣仔莊士敦道78號1樓
營業時間：逢星期六、日、公眾假期 12pm – 3pm
