佐敦賣 croffle 嘅人氣打卡 café Goof，近日進駐 K11 Artmall 開設 Pop-up 店，整個期間會搵咗同嘅本地品牌聯乘。
首階段就與早前徹離南豐紗廠嘅人氣店「一日之間」，在此 pop-up 店出售佢哋自家製作嘅糕點名物，仲有限定嘅聖誕特日口味，包括紅絲絨生乳奶酪草莓捲蛋、泰奶優格捲蛋 (每件 $65)。一系列色彩繽紛嘅馬卡龍 (每件 $32-36)，有紅絲絨法國可可、聖誕香料熱紅酒、薄荷巧克力、韓國米酒等有趣口味，仲有一日之間嘅人氣產品肉桂捲 (每件 $50)，有原味及 Chai 味道，均十分香郁。
除咗聯乘店嘅出品，Goof 亦在此出售自家嘅樽冷萃咖啡、latte 系列凍飲 (每瓶 $68)，另一必買係佢哋自家製作嘅 XO 醬 ($88)，用咗足足 8 小時熬製、全手工製作，可以入定貨過農曆年啊。
而 Goof 喺佐敦嘅本店，亦推出 X’mas Croffle，將牛角窩夫做到聖誕樹造型。另有聖誕特飲 Red Velvet Latte，兩款都係打卡靚又充滿節日氣氛嘅滋味。
地址：尖沙咀K11 Art Mall 地下
營業時間：12pm-9pm
