中環想搵個休閒地點食 lunch 好難，放工想有格調地小酌一杯嘅選擇也不多。呢間喺正士丹利街中環心臟地帶嘅居酒屋「Shio」，估唔到室內裝修設計別具空間感，設有數個榻榻米廂座，半垂嘅布簾以及半透窗外嘅燈籠，昏黃吊燈、日本藝術家掛畫等等，營造出昭和時代嘅懷舊感，亦有一種幽靜雅致嘅氣氛。
餐牌是居酒屋路燒，燒物、煮物、鍋物、刺身等也有，必試多款時令海鮮「鱈魚白子」($128)，來自北海道嘅白子於冬日特別肥美，可選刺身或天婦羅食法，刺身加入酸汁、蘿蔔蓉、蔥花，吃到白子軟滑綿密嘅質感與鮮味。
「浜燒日本岩蠔配素麵」（$118）大大隻嘅日本岩蠔伴着清湯輕烤，肥美鮮甜亦食到鹹香味，蠔肉之下是吸盡蠔汁嘅素麵。
「刺身拼盤」亦嚴選當造海鮮，銀雪魚刺身比較少見，肉質甘膄香郁，想香口一點可選「櫻花蝦炸豆腐」，沾滿櫻花蝦嘅外層特別脆口，佐酒最佳！
地址：中環士丹利街 34-38 號金禾大廈 1 樓
營業時間：星期一至六 11:30am – 8pm
