呢間看似不起眼嘅小店「阿嫲現烤手工蛋糕」，門外不時會堆滿客人，尤其古早蛋糕出爐之時，仔細睇睇蛋糕餐牌竟然有 17 款口味！
每日隨機出爐4、5款，每底蛋糕用上約 90 隻蛋製作，不加任何梳打粉及發粉，蛋香味濃郁而質感鬆軟。一大盤蛋糕分成 12 份 (每份 $50-$80)，每份買回家也足夠切 6、7 件，當日口味有「特濃芝士」($70/份)，除咗面層撒上芝士，中間夾層係十分滑溜像 cream 嘅芝士，拉開也見拉絲效果。
另有「矇茶茶」($80/份)，其實係綠茶味蛋糕夾着黑糖麻糬，麻糬質感極為軟滑，其他有趣口味包括金菠蘿、焦糖奶茶、金銀蛋菠菜、椰香斑蘭等。蛋糕每日約早上 10:30 開始出爐至晚上 7:30，吃到甚麼口味就要看運氣了。
另一系列人氣產品係芋頭酥（$18/個）老闆堅持用台灣原材料，包括芋頭、麻糬等，確保製作新鮮，芋頭酥有麻糬或蛋黃等內餡口味，每個獨立包裝十分方便。
而熟客都必買嘅就係花生酥，自己製作嘅花生餡料，外層焗得鬆化酥脆，啖啖香甜味，每到新年時節早就被訂購一空。
地址：太子砵蘭街 456 號舖
營業時間：10:30am-7:30pm，星期一休息
電話：7073 4988
