喺日本三軒茶屋小區內嘅 café The SUN LIVES HERE，以芝士蛋糕作主打，並發展出一系列不同甜品及產品。即使喺日本平日也是要排隊或預約嘅店，今次 Café 進駐香港銅鑼灣 SOGO 開設 POP-UP，芝士蛋糕控要把握機會大手入貨！
香港限定店款式雖未能供應東京本店新鮮製作嘅甜品，但各款由日本直送嘅芝士蛋糕及零售產品也夠 fans 止癮。首先有人氣 NO.1 嘅「 Chilk 牧場牛奶樽裝芝士蛋糕」，可稱為品牌嘅旗艦產品！
每個小玻璃樽內均有三個層次，底層是用自家製酸忌廉製成嘅紐約風芝士蛋糕，中間嘅牛奶芝士蛋糕以 100% 北海道純牛乳發酵嘅乳酪製成，將此兩層烘焗後需靜置天然發酵一天，翌日才唧上以忌廉芝士及鮮忌廉製成嘅生忌廉芝士，製作嘅心思時間可不少！最經典當然是原味 ($59/1瓶、$336/6瓶)，稍後將推出 3 款限量口味 ($62/1瓶)，分別有士多啤梨、抹茶及焙茶味。
想品嚐原個蛋糕，必選「特濃生忌廉芝士蛋糕」($236) 及「Oreo 曲奇特濃生忌廉芝士蛋糕」($279)，選用北海道十勝忌廉芝士及根釧草飼放牧牛牛乳鮮忌廉製作，乳脂肪含量高令口感尤其 creamy。蛋糕 frozen 了由日本直送，享用前記得先放置雪櫃 5-6 小時，才可以有最佳嘅 creamy 濃郁滋味。Oreo 味在蛋糕底內已有曲奇，另附上曲奇讓客人自行裝飾。
另一熱賣產品有「香烤芝士蛋糕條」$35/1 條、$266/8 條盒裝，以北海道芝士烤焗製成，獨立包裝可以隨身攜帶。另有芝士蛋糕撻、手提索帶造型帆布袋、牛奶樽匙扣等產品，芝士控怎可錯過！
限定店由即日起至 2 月 14 日
地址：銅鑼灣SOGO地庫 2 層 Freshment (扶手電梯旁)
