日本居酒屋權八可謂殿堂級，首相、政要等均是座上客。權八進駐香港剛好十年，於尖沙咀北京道一號開設旗艦店，三面環迴玻璃窗飽覽廣闊維港景色，而室內設計加入傳統居酒屋元素，同時用上紅色主調，播放着日式傳統音樂，甚有氣氛。
權八嘅餐牌十分多元化，除咗居酒屋嘅佐酒美食、串燒之外，有齊刺身、壽司、卷物、煮物、天婦羅、每日手打蕎麥麵等。新店特別加入廚師發辦，設立僅 12 個座位嘅私密用餐區，由壽司主廚即席炮製每日由日本直送嘅時令海鮮、赤身燒大拖羅壽司、鮟鱇魚肝奈良漬壽司等。現正值白子當造，可製成天婦羅白子、酸汁白子、炭燒白子等，肥美厚滑。
其他推介菜式包括沿用日本總店配方嘅酸汁伴牛筋，用本地三黃雞製作嘅免治雞肉釀冬菇串燒、雞腿肉，選用宮崎雞蛋嘅明太子玉子燒。
甜品必試十勝紅豆綠茶雪糕最中餅，自家以若竹綠茶製嘅雪糕茶味香醇。
新開張期間餐廳提供各項優惠，特設 The Happiest Hour，於下午及晚上指定時段內享用和風雞尾酒，可享有買一送一優惠，部分特選清酒則有七折優惠。另外由即日至 2 月 28 日期間，每兩位客人可從指定菜式之一點選其中一款以半價享用，包括 A5 和牛西冷、牡丹蝦刺身、精選串燒拼盤等。
地址：尖沙咀北京道一號 28 樓
營業時間：11:30am – 12am
電話：2727 1957
