全新嘅漢堡品牌 N+ Burger 剛進駐灣仔，兩層高嘅綠色框門面非常搶眼，呢間漢堡店唔只得個樣，用料也出奇地優質有驚喜！
牛肉漢堡餡肥瘦比例剛子又 juicy，原來品牌由自家澳洲牧場直送 Hunter Beef 安格斯牛，此牧場出品嘅牛肉曾獲悉尼皇家美食金獎及銀獎，可說是質素保證。
漢堡所有嘅麵包特別選用酸種麵包，以天然酵母發酵嘅麵包鬆軟而帶有輕微酸度，輕烤並塗上牛油更是外脆內軟。
漢堡包嘅款式十分精選，醬料均是自家製作，N+ Classics 系列有均用上 4 安士安格斯牛，有原味 ($75)、Bacon ($85)，喜歡重口味嘅必選三重蒜蓉醬 ($75)、千島醬 ($75)，而 N+ Limited 系列則用上 6 安士安格斯牛腩肉，分別有松露醬 ($100) 及日本芥未醬 ($95) 兩款，漢堡包以外嘅薯條及薯角也炸得香脆。
漢堡店為慶祝剛開幕，由即日起至 1 月 21 日，凡購買 N+ 指定漢堡，即可享五折優惠。
地址：灣仔汕頭街32 號地下
營業時間：11am – 9pm
