銅鑼灣新開嘅 Omakase 餐廳 Hiru 破格地以全白色做設計主題，一改傳統幽暗木系嘅風格，同時保留日式元素，將室外空間打造成日式庭園，並用上枯山水嘅概念及用上和紙等物料，營造出沉穩而恬靜嘅氛圍。
廚師發辦由有經驗嘅師傅主理，晚市 Omakase 則由 $988 起，Omakase 備有前菜、刺身、酒肴、季節料理、食事等。餐廳搜羅各種高級及罕有嘅時令食材，包括山野菜、北海道產特上鮟鱇魚肝、青森縣八户捕獲天然鮪魚、無添加塩水海膽、富山灣產氷見寒鰤等。
客人亦可提早最少 3 天預訂季節會席料理 ($2,488)，以客人個人喜好定制菜式，亦可特別要求全蟹宴、全白身魚、甚至全拖羅等。
較相宜嘅選擇有午市壽司 Omakase ($488 起)，另有限定午市定食套餐 ($298)，此價位便可置身於如此獨特環境用餐，值得體驗。
地址：銅鑼灣蘭芳道21號
電話：9017 9352
