香港首間自動迴轉帶輸送燒肉！喺沙田河畔花園呢間全新嘅「EAT」燒肉店，以星球及外星人作主題概念，喻意將美食送到地球建立燒肉基地。
室內設計用上充滿科幻感銀色星際元素，沿着輸送路軌旁嘅每張桌子均有獨立烤爐，食物由流線形嘅銀色飛船送到面前，飛船艙門打開客人便可自取到桌上。
燒肉嘅選擇很多分別有美國、日本、甚至韓牛，各有不同部位供選擇。頂級牛肉包括獲得官方證書認證嘅 1++ 韓牛及宮崎 A5 和牛，分別有牛三角形、腹協兩側、牛肩肉等部位，定食只需 $178 起就有如此高級嘅靚牛，性價比超高。相宜一點嘅午餐定食 $48 起就已可選牛五花等，牛肉以外還有富士蘋果地雞、豚肉、魷魚一夜干等。
值得一提係定食之中附送嘅白飯，用上日本產越光米，可升級選海苔溫泉蛋飯，更加香郁。桌上提供自家調配嘅 BBQ 汁、燒肉汁、玫瑰岩鹽等，任客人自行調味蘸點，如此親民價就有得玩有得食，係十分有趣嘅體驗。
地址：沙田河畔花園地下19-20 號
營業時：11:30am – 10pm
