大角咀呢間新開嘅咖啡店 Goodin’Out由韓國人開設，有簡約又帶點工風業嘅設計，白色外牆襯以紅磚、玻璃咖啡桌、金屬椅，實在有種韓風 café 嘅氣氛。
舖位前身為木工材料工程公司，店主特別保留部分元素，包括寫着「有貨出入」嘅紅色鐵門，變成店內其中一個打卡位置。店內及店外嘅白牆上整貼上簡約海報，也輕易成為影相位，門外設有兩個座位，遇上陽光照射嘅時間，充滿日光嘅打卡照更有感覺。
Croffle、芝士蛋糕等幾乎係café 必備甜點，巴斯克芝士蛋糕($60)每日有不同口味，黑芝麻味甚為香濃。吐司嘅選擇除咗常見嘅牛油果等，仲有清新嘅西柚吐司($78)，伴以忌廉芝士及藍莓，味道香甜。
飲品以外賣杯出餐，以兩個紙杯重疊也是韓國常見嘅做法，仲未有機會去韓國旅行嘅話，嚟感受一點點韓風也夠晒休閒。
地址：大角咀嘉善街25 號
營業時間：星期一至五10am – 7pm、星期六及日10m – 8pm
