呢間柔和色調嘅新 café 位於新蒲崗彩虹道東頭邨對面，幾位店主將咖啡店命名 Roommate，正希望在此鄰里區域創造一個空間，讓附近居民、來自其他區嘅客人也可聚於一室，甚至由陌生人變成朋友。
咖啡店位於角落位置，室內空間甚為闊落，兩邊玻璃窗有半身高嘅紗質布簾，滲透着點點日系及文青嘅感覺。店內地磚、牆身用上大地色及柔和粉色，採光度極高，加上面對着窗外嘅樹影，視野舒適而氣氛亦十分平靜。
餐牌方面備有意粉、全日早餐等鹹食，其中一位主理人曾於酒店任職廚師。「傳統卡邦尼意粉」（$88）用上日本蛋質感特別 creamy；「羅勒番茄醬手工馬鈴薯丸子」（$78）係用薯仔做嘅丸子 pasta，質感軟糯，手工製作每日限量供應，於午市時段可另加 $12 配手工粟米湯，自家煮製有天然香甜味。
甜品有「巴斯克芝士蛋糕」（$48）備有濃郁奶香嘅芝士蛋糕質感很軟滑流心，而甜度恰好，「法式香蕉瑪德蓮」（$32/兩件），外層黃金香脆而內裏鬆軟，甜味濃郁。
地址：彩虹道 84 -114號地下
