Lady M 於銅鑼灣世貿中心開設新店，推出非常打卡嘅全新特飲！
概念係將其中一款蛋糕「士多啤梨千層酥」變成飲品，作為新店期間限定，「法式士多啤梨千層酥特飲」($68) 以士多啤梨蓉及牛奶調製，再鋪上分量滿滿嘅幼滑忌廉及唧上士多啤梨醬，最後飾以一整片千層酥嘅牛油酥皮以及新鮮士多啤梨。
影完相打卡後可以將酥皮整片拌入忌廉飲品，每一啖都有酥化、creamy、香甜嘅質感與味道。特飲分別有冷、熱版本，只限世貿中心店限定供應。
除咗呢杯特飲，Lady M 同期推出全新嘅脆卷禮盒 ($188)，分別有朱古力及雲呢拿兩款口味，填滿曲奇脆卷嘅忌廉，啖啖滋味，係聖誕禮物嘅首選。
地址：銅鑼灣世界貿易中心L2層L2-08 & L2-19號舖
營業時間：星期日至四 11am-9pm，星期五及六11am-10pm
