大埔呢間看似普通嘅 café，估唔到製作認真、用料靚到可媲美港島區中高級餐廳！Oneness Team 對於大埔居民嚟講可以價位稍高，但如果你識飲識食，再與此店親和嘅老闆娘交談一下，了解每道菜式嘅用料、心機、工序，就會知道這裏賣的菜式絕對值呢個價錢。
簡單如獨立包裝的曲奇及腰果（$48/包），曲奇竟用法國 A.O.P牛油製作，此級數牛油即使在高級西餐廳或烘焙店也未必選用。曲奇有原味杏仁、伯爵茶、京都抹茶、丸久小山園焙茶等口味，每款都吃到濃郁滋味亦有牛油酥香。
海鹽焗印度腰果選用優質印度腰果，腰果顆顆均勻大粒及飽滿，用上法國鹽之花調成嘅鹽水去浸腰果，再以低溫慢火烤焗。焗香後有天然鹹香，表面薄脆而不過過鹹過燶，是與別不同嘅滋味。
菜式也有心思，慢燴豬手肉配酸種包伴英式鯷魚牛油（$88），豬手慢燴多個小時，伴以自家調製、加入鯷魚打融嘅牛油，鹹香味突出。油甘魚他他、脆粟米、蘿蔔漬、脆米通（$135）以紅菜頭輕輕將油甘魚醃漬上色，伴自製嘅脆米通，有多種口感。
甜品嘅香蕉蛋糕，老闆為了讓客人吃得健康，研發了不加發粉嘅全天然食譜，當中需額外花時間去處理食材，才能保持鬆軟、不油膩嘅質感，又滿有香蕉天然甜味。
咖啡以外更值得留意陳皮普洱茶（$98/杯）用上碩果僅存廣源茶莊 25 年之老生普洱茶餅及 25 年新會老陳皮，坊間已買少見少甚至賣過百元嘅陳皮普洱，味道香醇濃厚、質感順滑，吃一頓飯後喝一杯，十分舒適。
地址：大埔翠樂街 8 號富萊花園地下 G08 號舖
營業時間：9am-10pm
