50, 60 年代懷舊風格嘅美式餐館 The Diner,喺中環已開業 8 年,而且早就有呢款裙子漢堡,近年甚至引嚟唔少漢堡包店爭相模仿。此店從前喺亞畢諾道,今年搬到雲咸街後地點方便好多!
嚟到必試最多人打卡嘅裙子漢堡 ($189),叫做裙子係因為中間夾住大大片芝士,好似一條大裙子嘅裙擺!每一片嘅 size 大概係 4-5 個包嘅面積咁大,外圍都係脆卜卜嘅口感,甚至有燶邊非常香脆!面中間位置因為牛肉漢堡扒及麵包嘅溫度,令芝士片略為溶化,有軟滑溶芝士嘅質感!
除咗裙子漢堡,餐牌上仲有十數款漢堡選擇。其他小食、菜式都不失邪惡元素,好似煙肉醬芝士薯條 ($88),炸得乾脆嘅薯條上淋滿煙肉醬,芝士半溶化沾滿薯條,令人難以抗拒啊!
地址:中環雲咸街 48 號雲明行地下
營業時間:3585 7455