因為布甸包熱潮而引嚟注目嘅土瓜灣麵包店「珍多美」,其開心果味布甸包被發掘後一直備受熱捧,其實此店有更多隱藏產品,而且都係大大份得誇張,不論係性價比定係打卡影相都一定滿足到你!
首選巨型嘅芝士菠蘿包($16),長條形狀嘅菠蘿包有前手擘咁長,拎上手可完全遮蓋手掌,切開裏面係芝士餡料,芝士嘅鹹味令菠蘿包無咁膩喎!如果你係菠蘿包控,就要試埋忌廉菠蘿包($8),比一般菠蘿包略為大,中間係忌餡料。
就連菠蘿油($8)也做得有 heart,那片牛油係客人夾起麵包,店員才即時拎到餅房即席切開加入牛油,新鮮即做牛油唔會融開。
菠蘿包以外嘅 best kept secret 係酥皮雞批,Size 也比一般雞批大件及高身,因為用上酥皮,外層可以見到一片片清𥇦分明嘅層次,切開會聽到酥皮脆卜卜嘅嗦嗦聲,裏面嘅雞批餡料無令酥皮變腍,依然酥化可口。
當然如果你依然鍾情布甸麵包,布甸餡料都軟滑流心,此店平日少見排隊情況,絕對可以滿足到吃麵包嘅慾望。
地址:土瓜灣道 283 號地下
電話:6220 6138