冰冷雪糕加暖笠笠朱古力火鍋，冬天吃特別滿足！今年 Häagen-Dazs 更與迪士尼聯乘，以超萌迪士尼角色造型推出外賣雪糕火鍋，迪士尼 fans 一定要收藏！
是次聯乘以米奇、米妮及唐老鴨，打造立體造型嘅陶瓷火鍋爐，隨爐附送配合角色嘅火鍋叉，配以 32 個指定口味迷你雪糕球，味道包括芒果紅桑子、朱古力、焦糖脆餅、夏威夷果仁、士多啤梨芝士餅等。
外賣雪糕火鍋每套 $569，回家後可倒入隨套裝附送嘅朱古力醬至火鍋爐內，將迷你雪糕球蘸點朱古力醬，雪糕球上即形成一層薄脆朱古力。現凡購買迪士尼雪糕火鍋，即送上 3 張優惠券，包括雙球雪糕買一送一、$80 雪糕蛋糕優惠卷及一張補充裝折扣優惠券。現即接受預訂並可以 12 月 1 日起開始換領，聖誕派對可以同成班朋友一齊分享。
除咗雪糕火鍋套裝，同期推出迪士尼主題雪糕蛋糕 ($429 起)。另外即日起於便利店及超市推出迪士尼冰袋套裝，同樣以米奇、米妮、唐老鴨設計成保溫冰袋，附有 12 件雪糕產品包括脆皮雪糕批、雪糕杯等。
如果係忠實 fans 就一定要去銅鑼灣皇室堡分店，整間店室內佈滿迪士尼裝飾有大型佈景板之餘，牆身、窗戶、桌面均隨處可見迪士尼人物設計，可以一邊食雪糕一邊打卡呢！
地址：銅鑼灣皇室堡 2 樓 212 號舖
